سنترال سحابي لشركتك — بدون أجهزة ولا صيانة
رقم واحد يوصل لكل موظفينك على الجوال والمتصفح والهاتف المكتبي، مع رد آلي احترافي وتسجيل لكل المكالمات.
- بدون أجهزة
- تطبيق جوال
- تسجيل المكالمات
كل اللي تحتاجه من سنترال حديث
تحويلات داخلية
تحويلة لكل موظف تشتغل على الجوال والكمبيوتر والهاتف المكتبي.
رد آلي IVR
قوائم صوتية متعددة المستويات توجّه العميل للقسم الصح.
تسجيل المكالمات
تسجيل تلقائي لكل مكالمة مع بحث وتحميل وأرشفة.
ساعات العمل
توجيه مختلف داخل وخارج الدوام والإجازات.
تحويل وانتظار
تحويل مباشر أو بعد استشارة، وموسيقى انتظار خاصة فيك.
تطبيق جوال يرن
يرن حتى لو التطبيق مقفل — ولا مكالمة تفوتك.
البريد الصوتي
رسائل صوتية توصلك بالإيميل.
المؤتمرات
غرف اجتماعات صوتية لفريقك وعملائك.
النداء والإنتركوم
نداء جماعي على هواتف الفريق.
التقاط المكالمات والتحويل
التقط مكالمة زميلك أو حوّل للجوال.
إخفاء رقم العميل
خصوصية أرقام العملاء عن الموظفين.
صلاحيات الاتصال
حدد مين يتصل دولي أو جوال أو داخلي فقط.
اعرف كل شي عن مكالماتك
سجل مكالمات كامل، تتبع مسار كل مكالمة من الرقم للرد الآلي للموظف، وتقارير ساعات الذروة والمكالمات الفائتة.
- مسار المكالمة خطوة بخطوة
- تقرير المكالمات الفائتة ومعاودة الاتصال
- ساعات الذروة وعدد المكالمات المتزامنة
- السنترال السحابي هو بدالة هاتف شركتك لكن تشتغل من خوادم على الإنترنت بدل جهاز في غرفة السيرفر، وكل موظف يرد من الجوال أو المتصفح أو الهاتف المكتبي.
- تكلفة السنترال السحابي في كلمنا تعتمد على عدد المستخدمين والأرقام والإضافات، والمكالمات بالثانية حسب الاستخدام. تشوف الأسعار وتبني باقتك بنفسك داخل المنصة بعد التسجيل المجاني.
- البيانات والتسجيلات على خوادم داخل المملكة، والخدمة من اتصالنا المرخّصة من هيئة الاتصالات والفضاء والتقنية.
وش هو السنترال السحابي؟
السنترال السحابي (ويسميه البعض بدالة سحابية أو سنترال IP مستضاف) هو نظام الهاتف الداخلي للشركة: التحويلات، الرد الآلي، التحويل بين الموظفين، التسجيل، والتقارير. الفرق إن كل هذا يشتغل على خوادم مزود الخدمة بدل جهاز تشتريه وتركّبه في مكتبك.
يعني ما تحتاج تمديدات ولا فني يزورك كل ما تبي تضيف موظف. تفتح لوحة التحكم، تضيف تحويلة، ويبدأ الموظف يستقبل المكالمات على جواله خلال دقايق. لهذا صار السنترال السحابي للشركات الخيار الطبيعي للشركات الصغيرة والمتوسطة وللي عندها فروع أو موظفين يشتغلون عن بعد. لو تبي شرح أوسع، اقرأ مقال ما هو السنترال السحابي.
كيف يشتغل السنترال السحابي؟ (المسار خطوة بخطوة)
تخيّل المسار كذا:
- العميل يتصل على رقم شركتك: رقم موحد 9200 أو 800 أو رقم أرضي.
- المشغل المرخّص يوصل المكالمة للمنصة السحابية عبر خط SIP آمن.
- السنترال يقرر وين تروح: يشيك على ساعات العمل والإجازات، ثم يشغّل الرد الآلي IVR («للمبيعات اضغط 1…»).
- المكالمة ترن عند الموظف على التطبيق أو المتصفح أو الهاتف المكتبي، وإذا ما رد تتحول لزميله أو للبريد الصوتي.
- كل شي يتسجل: التسجيل الصوتي، ومسار المكالمة من الرقم للرد الآلي للموظف، ويطلع في التقارير.
مزايا السنترال السحابي في كلمنا
| الميزة | وش تسوي لك |
|---|---|
| تحويلة لكل موظف | تشتغل على المتصفح وتطبيق الجوال وتطبيق الكمبيوتر والهاتف المكتبي |
| رد آلي IVR متعدد المستويات | يوجّه المتصل للقسم الصح بدون موظف استقبال |
| ساعات العمل والإجازات | توجيه مختلف داخل الدوام وخارجه وفي الأعياد |
| تسجيل المكالمات والأرشيف | بحث وتشغيل وتحميل لكل مكالمة |
| البريد الصوتي على الإيميل | الرسالة الصوتية توصلك ملف على بريدك |
| المؤتمرات والنداء والإنتركوم | اجتماعات صوتية ونداء جماعي على هواتف الفريق |
| التقاط المكالمات والتحويل وعدم الإزعاج | التقط مكالمة زميلك، حوّل لجوالك، أو فعّل عدم الإزعاج |
| تحويل مباشر أو بعد استشارة | حوّل المكالمة فوراً أو كلّم زميلك أولاً ثم حوّلها |
| معرّف متصل لكل تحويلة | كل قسم يطلع برقمه للعميل |
| صلاحيات الاتصال | حدد مين يتصل داخلي فقط أو جوال أو دولي |
| موسيقى انتظار خاصة | صوت شركتك بدل الصمت |
| التقارير ومسار المكالمة | ساعات الذروة، أعلى عدد مكالمات متزامنة، المكالمات الفائتة وحالة معاودة الاتصال |
لمين يناسب السنترال السحابي؟
- الشركات الصغيرة والمتوسطة اللي تبي صورة احترافية برقم واحد بدون ما تشتري أجهزة.
- الشركات متعددة الفروع: الرياض وجدة والدمام على سنترال واحد، والتحويل بين الفروع داخلي.
- فرق المبيعات والمندوبين اللي أغلب وقتهم برا المكتب ويبون يردون من الجوال برقم الشركة.
- العيادات والمتاجر والمكاتب العقارية اللي تستقبل مكالمات كثيرة وتحتاج رد آلي وتسجيل.
- الشركات اللي كبرت وتبي تطور لمركز اتصال كامل؛ تقدر تنتقل لـنظام كول سنتر سحابي على نفس المنصة.
أسعار السنترال السحابي
أكثر سؤال يجينا: كم أسعار السنترال السحابي؟ في كلمنا التكلفة مبنية على استخدامك الفعلي، وتشوف الأسعار وتبني باقتك بنفسك داخل المنصة بعد التسجيل المجاني. والاشتراك السنوي عليه شهرين مجاناً، وفيه تجربة مجانية عند التسجيل. هذي العوامل اللي تحدد تكلفتك:
| البند | وش يحدد التكلفة |
|---|---|
| اشتراك المستخدم (مركز الاتصال / السنترال) | عدد المستخدمين، شهرياً لكل مستخدم |
| الاشتراك السنوي | شهرين مجاناً |
| دقائق المكالمات للمشغلين | بالثانية حسب الاستخدام |
| رسوم الرقم (9200 / 800 / أرضي) | حسب المشغل ونوع الرقم |
مثال: شركة فيها 8 موظفين تدفع اشتراك 8 مستخدمين، ويضاف عليه استهلاك المكالمات ورسوم الرقم وأي إضافة تختارها. سجّل مجاناً وابنِ الباقة داخل المنصة، وتطلع لك التكلفة كاملة قبل ما تشترك.
السنترال السحابي مقابل السنترال التقليدي
| المقارنة | سنترال سحابي | سنترال تقليدي (جهاز في المكتب) |
|---|---|---|
| التكلفة في البداية | اشتراك شهري بدون شراء أجهزة | شراء جهاز وتمديدات وتركيب |
| الصيانة والتحديثات | على مزود الخدمة | عليك أنت أو فني خارجي |
| إضافة موظف | من لوحة التحكم خلال دقايق | غالباً يحتاج منفذ وتمديد جديد |
| العمل من برا المكتب | من الجوال والمتصفح في أي مكان | محصور بالمكتب غالباً |
| الفروع | سنترال واحد لكل الفروع | جهاز لكل فرع أو ربط معقد |
| التقارير والتسجيل | مدمجة وتشوفها من أي مكان | إضافات ومساحة تخزين محلية |
المقارنة الكاملة في مقال السنترال السحابي مقابل التقليدي.
خطوات الانتقال من السنترال القديم للسنترال السحابي
- جرد الوضع الحالي: كم تحويلة، وش الأرقام المستخدمة، ووش مسار المكالمات اليوم (مين يرد أول، ووش يصير خارج الدوام).
- تصميم الرد الآلي والطوابير: نكتب معك القائمة الصوتية ونحدد الأقسام وساعات العمل.
- تجهيز التحويلات: حساب لكل موظف، وتثبيت التطبيق، وربط الهواتف المكتبية الموجودة إذا كانت تدعم SIP.
- ربط الأرقام: نقل رقمك الحالي أو توفير رقم موحد 9200 أو 800 أو أرضي عبر المشغلين المرخّصين.
- تجربة قبل التحويل: مكالمات تجريبية على كل مسار، ثم تحويل الرقم في وقت هادي.
- التدريب والمتابعة: تعريف الفريق بالتطبيق والتحويل والتسجيل، ومراجعة التقارير بعد أول أسبوع.
دليل تفصيلي في مقال استبدال سنترال IP بسنترال سحابي.
الأجهزة: تطبيق، متصفح، أو هاتف مكتبي
تطبيق الجوال والكمبيوتر
تطبيق أندرويد يرن حتى لو التطبيق مقفل، وتطبيق آيفون قريباً، وتطبيق للكمبيوتر على ويندوز وماك. التفاصيل في صفحة تطبيقات الجوال والكمبيوتر.
المتصفح
الموظف يسجل دخوله ويرد من المتصفح مع سماعة رأس، بدون تثبيت أي برنامج. مناسب لموظفي خدمة العملاء.
الهواتف المكتبية
أي هاتف IP يدعم SIP، مثل Grandstream وYealink. لو عندك أجهزة قديمة تدعم SIP غالباً تقدر تستخدمها بدل ما تشتري جديد.
الأمان والاستضافة داخل المملكة
التسجيلات وبيانات المكالمات محفوظة على خوادم داخل السعودية (Alibaba Cloud الرياض)، والمنصة متوافقة مع متطلبات الأمن السيبراني. اتصالنا مرخّصة من هيئة الاتصالات والفضاء والتقنية، ولها شراكات ربط مع STC وموبايلي وGO Telecom. وتقدر تتحكم في الصلاحيات: مين يسمع التسجيلات، ومين يتصل دولي. اعرف أكثر في صفحة الأمان والثقة.
تبي تعرف كم يكلفك السنترال السحابي لشركتك بالضبط؟ كلّمنا واطلب عرض سعر أو اتصل على 920031338.
أسئلة يسألونها كثير
وش الفرق بين السنترال السحابي والتقليدي؟
هل أقدر أستخدم رقمي الحالي؟
هل يشتغل مع الهواتف المكتبية؟
هل المكالمات مسجلة ومحفوظة داخل السعودية؟
كم سعر السنترال السحابي؟
هل أحتاج سيرفر أو أجهزة في المكتب؟
وش الفرق بين سنترال IP والسنترال السحابي؟
هل يشتغل السنترال إذا انقطع الإنترنت في المكتب؟
هل أقدر أربط أكثر من فرع على نفس السنترال؟
هل فيه تطبيق جوال للسنترال؟
خلّ عملاءك يلقونك بأسرع وقت
نجهّز لك تجربة على منصة كلمنا بأرقامك وفريقك، ونوريك كيف تنظّم مكالماتك ومحادثاتك من أول يوم.