واتساب API الرسمي لكل فريقك على رقم واحد

وش هو واتساب API؟

واتساب API (ويسمونه أيضاً واتساب للأعمال API أو واتساب بزنس API) هو الطريقة الرسمية اللي توفرها Meta للشركات عشان تستخدم واتساب على نطاق واسع: بدل جوال واحد عند موظف واحد، يصير عندك رقم واحد مربوط بمنصة يدخل عليها كل فريقك من المتصفح أو الجوال. الرسائل توصل لصندوق وارد مشترك، وكل محادثة لها مسؤول، والمشرف يشوف كل شي.

الفرق عن تطبيق واتس اب بزنس العادي إن الـ API ما له واجهة بحد ذاته؛ تحتاج مزود يربطك فيه ويعطيك المنصة. وهنا يجي دور مزود واتساب API معتمد مثل اتصالنا: نجهّز الربط، ونتابع معك التوثيق، ونعطيك منصة «كلمنا» جاهزة للفريق والحملات والبوت.

ليش يفرق إن المزود شريك Meta معتمد؟

اتصالنا شريك Meta معتمد لواتساب، وهذا يعني إنك تشتغل على الواجهة الرسمية مباشرة، مو على حلول غير رسمية ممكن تتوقف في أي وقت. وش تستفيد عملياً؟

• استقرار الرقم: الربط الرسمي ما يعتمد على جوال مفتوح أو جلسة متصفح، فما ينقطع إذا طفى جهاز.
• متابعة طلبات التوثيق: نساعدك في توثيق النشاط وطلب العلامة الخضراء للحسابات المؤهلة.
• فوترة محلية بالريال: فاتورة واحدة من شركة سعودية مرخصة من هيئة الاتصالات والفضاء والتقنية، وبياناتك مستضافة داخل المملكة.
• دعم يفهم شغلك: فريق مجهز ومتطور يساعدك في القوالب وجودة الرقم وإعداد التوزيع.

لو تبي معايير أوسع للمقارنة بين المزودين، راجع دليلنا عن كيف تختار مزود واتساب API، ولمعلومات الأمان والاستضافة شوف صفحة الثقة والأمان.

خطوات تفعيل واتساب API في السعودية

1. توثيق حساب Meta للأعمال: تنشئ حساب أعمال (Business Manager) باسم شركتك وترفع مستندات رسمية تثبت النشاط، مثل السجل التجاري، مع موقع إلكتروني أو بيانات تواصل متطابقة. كل ما كانت البيانات متطابقة، كان القبول أسرع.
2. تجهيز الرقم: تقدر تستخدم رقم جديد أو رقمك الحالي (جوال أو أرضي أو رقم موحد)، بشرط ما يكون شغال على تطبيق واتساب وقت الربط، ويستقبل رسالة أو اتصال التحقق.
3. اعتماد اسم العرض: الاسم اللي يشوفه العميل لازم يرتبط باسم نشاطك أو علامتك التجارية. أسماء عامة مثل «خدمة العملاء» غالباً ترفضها Meta.
4. إنشاء القوالب واعتمادها: أي رسالة تبدأها أنت للعميل (تذكير، إشعار طلب، عرض) لازم تكون بقالب معتمد. نكتب معك القوالب بصيغة تقل فيها احتمالية الرفض.
5. إعداد الفريق والتوزيع: تضيف الموظفين، وتحدد الأقسام وساعات العمل ورسالة الترحيب، وتربط البوت إذا تبيه.

سعر واتساب API: كيف تنحسب التكلفة؟

أكثر سؤال يجينا: كم سعر واتساب API؟ الجواب إن التكلفة تتكون من جزأين منفصلين:

تشوف الأسعار وتبني باقتك بنفسك داخل المنصة بعد التسجيل المجاني، والاشتراك السنوي عليه شهرين مجاناً، وفيه تجربة مجانية عند التسجيل. تفاصيل الباقات في صفحة الباقات.

رسوم Meta حسب الفئة

Meta تحاسب على المحادثات حسب نوعها: رسائل التسويق عادةً الأعلى، بعدها رسائل الخدمات (مثل تأكيد الطلب)، ثم رسائل المصادقة (رموز التحقق). أما محادثات خدمة العملاء اللي يبدأها العميل بنفسه فلها شرائح مجانية حسب قواعد Meta. الأسعار هذي تتغير من Meta من وقت لآخر، عشان كذا ما نثبتها هنا؛ وتقدر تتابع استهلاكك منها داخل المنصة أول بأول. للتفصيل أكثر اقرأ أسعار واتساب API في السعودية.

العلامة الخضراء في واتساب للأعمال

العلامة الخضراء (أو علامة التوثيق) تظهر جنب اسم نشاطك وتعطي العميل ثقة إنه يكلم الجهة الصحيحة. Meta تمنحها للحسابات المؤهلة، وعادةً تنظر في شهرة العلامة التجارية وظهورها الإعلامي. نساعدك في تجهيز الطلب وتقديمه، لكن القرار النهائي عند Meta. التفاصيل في دليل توثيق العلامة الخضراء.

أكثر من موظف على رقم واحد

مع واتساب API ما فيه حد لعدد الموظفين اللي يردون من نفس الرقم. المنصة توزع المحادثات تلقائياً على الموظف المتاح أو القسم المناسب، مع ملاحظات داخلية وتحويل بين الأقسام وردود جاهزة. وتقدر تضيف شات بوت واتساب يستقبل العميل ويجمع بياناته قبل ما يحوله، وتربط كل شي مع صندوق الوارد الموحد مع انستقرام وماسنجر. وفيه أزرار تفاعلية وقوائم وكتالوج منتجات داخل المحادثة.

الالتزام بسياسات Meta: الموافقة ونافذة 24 ساعة

• موافقة العميل (Opt-in): لازم يكون العميل وافق إنه يستقبل رسائلك على واتساب، مثلاً عند التسجيل في موقعك أو متجرك أو لما يراسلك بنفسه.
• نافذة 24 ساعة: إذا راسلك العميل، تقدر ترد عليه برسائل حرة خلال 24 ساعة من آخر رسالة منه. بعدها ما تقدر تبدأ معه إلا بقالب معتمد.
• جودة الرقم: Meta تراقب تقييم جودة رقمك؛ كثرة الحظر أو البلاغات من العملاء تخفض الجودة وحدود الإرسال. عشان كذا ننصح بحملات مدروسة، وهذا موضوع دليل رسائل واتساب جماعية بدون حظر.

واتساب API أو التطبيق؟ مقارنة سريعة

للفرق بالتفصيل اقرأ الفرق بين واتساب بزنس وواتساب API. وللفرق الصغيرة جداً فيه خيار ربط الرقم عن طريق QR، لكنه غير رسمي، وننصح بـ API الرسمي لأي حملات أو فريق يكبر.

تبي تعرف تكلفتك بالضبط؟ كلّم فريق المبيعات ونعطيك خطة تفعيل واضحة، أو سجّل مجاناً وابنِ باقتك داخل المنصة، أو اتصل على 920031338.